БНСУ-Д СУУГАА ИРГЭДИЙН АНХААРАЛД!

ИРГЭДИЙН АНХААРАЛД! БНСУ-ын Сөүл хотын Гымчон дүүрэгт байрлах хүнсний үйлдвэрт ажиллаж байсан Монгол Улсын 5 иргэн болон тэдгээртэй харилцаанд орсон 3 иргэн нийт 8 иргэн коронавирусын /covid19/ халдвар авсан болох нь 8 дугаар сарын 26-ны тогтоогдсон байна. Иргэдийн биеийн байдал хэвийн, холбогдох байгууллагын туслалцаа дэмжлэгийг авч байгаа болно.Эдгээр иргэдтэй харилцаанд орсон иргэд, маршрутыг суугаа орны холбогдох байгууллагаас тодруулан ажиллаж байгаа ба халдвар авсан нэг иргэн 8 дугаар сарын 12-ны өдрийн үдээс хойш Консулын хэлтсээр үйлчлүүлсэн байна. Иймд тус өдөр Консулын хэлтсээр үйлчлүүлсэн иргэд халуурах, ханиалгах, хоолой өвдөх зэрэг ямар нэгэн шинж тэмдэг илэрч байгаа бол ойр байрлах эрүүл мэндийн байгууллагад хандахыг зөвлөж байна. Манай иргэд хамгийн ихээр оршин суудаг Сөүл хот болон Кёнги мужийн бүс нутагт коронавирусын дэгдэлт эрчимтэй нэмэгдсэн хэвээр байна. Иймд БНСУ-ын Засгийн газраас гаргасан журмын дагуу бүлэг бөөгнөрөл үүсгэхгүй байх, хөдөлгөөнөө хязгаарлах, хувийн зай барих зэрэг өвчнөөс урьдчилан сэргийлэх арга хэмжээнүүдийг чанд хэрэгжүүлж, эрүүл мэнддээ анхаарахыг хүсье.

МОНГОЛ УЛСААС БНСУ-Д СУУГАА ЭЛЧИН САЙДЫН ЯАМ

Монгол улсын U17 насны шигшээ баг ДЭЛХИЙН АВАРГА боллоо

ФИБА 17 хүртэлх насны ур чадварын “FIBA U17 World Skill Challenge” дэлхийн аварга шалгаруулах тэмцээний хагас шигшээд Гвиней улсын багийг 111:119 харьцаатай хожиж, финалд шалгарсан Монголын хөвгүүд шигшээ тоглолтоо Болгарын шигшээ багийн эсрэг хийж,  “FIBA U17 World Skill Challenge” тэмцээний аварга боллоо. 

Монголчууд бид бүгдийн мөрөөдөл үргэлжилсээр.